..::شباب اخر شقاوة::..

..::شباب اخر شقاوة شباب جامد وربنا هظبطك::..
 
الرئيسيةالبوابةس .و .جبحـثالتسجيلدخول

شاطر | 
 

 شنكليه وهاتيه على بوزه..........

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غدي يوسف
..::اوعي السريع::..
..::اوعي السريع::..


انثى
عدد الرسائل : 4715
العمر : 36
الدولة / المحافظة : القاهره
تاريخ التسجيل : 06/03/2007

مُساهمةموضوع: شنكليه وهاتيه على بوزه..........   الخميس أكتوبر 25, 2007 9:15 pm


شنكليه وهاتيه على بوزه..........




آنستي العزيزة.. لو ربنا فك عقدتك.. واتخطبتي.. فإليك نصائح حتى تأخذي بخطيبك من مركب

الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص

الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي

شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ...



1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م

البوز زي الخنجر ولا من فوق طبعًااا


2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري..

أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....


3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت

خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا

عايزاكي تنسى تمامًا.. السلطانية اللي بتقيميها على بقك ف البيت.. وتدلدقي على روحك..

بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه..

عشان تلهطيها لآخر نقطة.....


4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي..

إوعي.. الرز بالشوكة.. وكأنك بتبوسيه مش بتاكليه..


5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين

تحطيها ف بؤك من سكات.. مش تشفطي المكرونة عود عود..


6-السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول

وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة

بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة..

ماتكليش السمك خالص.. قولي مابحبش السمك وخلصي نفسك..



7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل

يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..



8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة

حتة حتة وإنت زي ما تكوني هاتعيطي من كتر ما البطاطس صعبانة عليكي..


9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف

طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....


10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-


.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....


وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي

بوقك..


وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول
والطعمية اللي جايباها معاكي.. وبالهنا والشفااااااااااا


منقوول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شمس الحياة
..::لثه زوغير::..
..::لثه زوغير::..
avatar

انثى
عدد الرسائل : 66
الدولة / المحافظة : egypt
تاريخ التسجيل : 20/10/2007

مُساهمةموضوع: رد: شنكليه وهاتيه على بوزه..........   الخميس أكتوبر 25, 2007 10:17 pm

ايه الجمال ده توبيك هايل ونصايح غاليه يا غدي
بس انتي كده فضحتينا علي الملأ ههههههه
وبعدين في ناس مش لازم تتصنع الحاجات دي كلها لادي طبيعتها اصلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NeNoOo
..::لثه زوغير::..
..::لثه زوغير::..


انثى
عدد الرسائل : 44
العمر : 28
الدولة / المحافظة : الكوبت
تاريخ التسجيل : 03/10/2007

مُساهمةموضوع: رد: شنكليه وهاتيه على بوزه..........   الأحد أكتوبر 28, 2007 3:39 am

ده احنا اتفضحنا واتخرب بيتنا وابقي قابليني لو وحده شنكلت واحد
بعد الي كتبتيه ده

بس الحقيقه التوبيك هايل والموضوع كمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الفتى المنتظر ســ سم ــم
"*$ .}{. $*"

avatar

ذكر
عدد الرسائل : 2424
تاريخ التسجيل : 04/02/2007

مُساهمةموضوع: رد: شنكليه وهاتيه على بوزه..........   الأحد أكتوبر 28, 2007 10:47 am

ههههههههههههههههههههههههههههههههههههههه
هههههههههههههههههههههههههههه
هههههههههههههههههه
ههههههههههه
456

_________________


http://3alm2.lolbb.com/index.htm
..:: لا تتحدي إنساناً ليس لديه ما يخسره ولا داعي للخوف من صوت الرصاص فالرصاصة التي تقتلك لن تخيفك ::..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غدي يوسف
..::اوعي السريع::..
..::اوعي السريع::..


انثى
عدد الرسائل : 4715
العمر : 36
الدولة / المحافظة : القاهره
تاريخ التسجيل : 06/03/2007

مُساهمةموضوع: رد: شنكليه وهاتيه على بوزه..........   الأحد أكتوبر 28, 2007 7:35 pm

ههههههههههههههههههههههههههه
تسلمولي يابناااااااااااااااااات بس ياشموس المعروف ان البنت قدام الولد بتحس انها دايما الرقه في كل حاجه وطبعا في بنات بيتصرفوا بطبيعتهم ودول يترفعلهم تعظيم سلام
وميرسي لضحكك ياسمسم
ميرسي ليكووو كلكووووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sike mike
مشرف قسم كلام فى السياسه
مشرف قسم كلام فى السياسه
avatar

ذكر
عدد الرسائل : 243
العمر : 29
تاريخ التسجيل : 30/01/2007

مُساهمةموضوع: رد: شنكليه وهاتيه على بوزه..........   الأحد أكتوبر 28, 2007 11:53 pm

طيب بعيدا عن أن الموضوع ده جامد جدا جدا
أنا وأصدقائى أخذنا عنكم الأن الفكرة الصحيحة
وأنا ولو كنتم جميعا كذلك فيجب أن نلغى فترة الخطوبة
أو بمعنى أخر ندخل العش المدمر على طول بدون أن نسرف
كل ما بين أيدينا عليكم فى الطعام وبعد الطعام نسرف الباقى على الدكتور
ههههههههههههههههه
وشكرا على النصائح يا غدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شنكليه وهاتيه على بوزه..........
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..::شباب اخر شقاوة::.. :: ..:: شباب x شباب ::.. :: ..::للبنات فقط::..-
انتقل الى: